18 май 08:02
Янгиликлар

Теннис

Зверев турнир кашфиёти Табилони тўхтатди

Италия пойтахти Рим шаҳрида ўтказилаётган теннис бўйича "Мастерс" сериясига кирувчи турнирда финалчилар аниқланди.

Дунёнинг бешинчи ракеткаси Александр Зверев 1/2 финалда мусобақа кашфиётига айланган чилилик Алехандро Табилони иродали тарзда мағлуб этди - 1/6, 7/6(4), 6/2. ATP рейтингида 32-ўриндан жой олган Табило номдор рақибларини мағлуб этиб, финал остонасига қадар етиб келди.

Бу теннисчиларнинг ўзаро ўтказган илк учрашуви бўлди. Икки соату 19 дақиқа давом этган баҳсда Зверев 10, Табило 7 та эйс зарбасини амалга оширган. Қўшхатолар олмон теннисчисида кўпроқ бўлди - 5 га 3. Иккала теннисчи ҳам 2 тадан брейкка эришган. Биринчи сетда ҳеч нарса қила олмаган Зверев иккинчи сетнинг тай-брекида ўйинга қайтди.