28 avg 17:38
Yangiliklar

Boks/MMA

AIBAning qarzlari qoplandi, Kremlyov XOQ bilan munosabatlarni tiklash harakatida

Teglar : AIBA

Xalqaro boks federacyaisi (AIBA) prezidenti Umar Kremlyovning malum qilishicha, tashkilot barcha qarzlardan qutilgan.

Avvalroq, ushbu qarzlar 20 million dollar ekanligi haqida xabar qilingandi. Bu esa Xalqaro Olimpiya qo'mitasi tomonidan AIBAning tan olinmasligiga sabablardan biri sifatida ko'rsatilgandi.

"AIBAda bugungi kunga kelib qarzlar yo'q. Biz marketing evaziga qarzlardan qutuldik. Homiylarimiz barcha qarzlarni to'lab berishdi. SHuningdek, yangi homiylar jalb qilish ishlarini olib bormoqdamiz. XOQ bilan munosabatlarni yaxshilash ishlari olib borilmoqda. Biz islohotlar olib bormoqdamiz, tavsiyalar asosida ishlayapmiz.

Ishonchim komilki, AIBAning kelajagi porloq, chunki tashkilotni bokschilar boshqarishmoqda", - dedi Kremlyov.

Eslatib o'tamiz, avvalroq AIBA tashkilotning bosh homiysi "Gazprom" bo'lishi haqida malumot bergandi. Kremlyov esa AIBAning maqomini tiklash uchun 50 million dollardan ortiq mablag' sarflanishi haqida gapirgandi.

Havola :

Manba : РИА Новости

Reyting: +2