Jokovich Parij "Masters" turnirini g'alaba bilan boshladi

Dunyoning ettinchi raketkasi bo'lib turgan Novak Jokovich musobaqadagi ishtirokini g'alaba bilan boshladi. Serbiyalik tennischi 104 daqiqa davom etgan bahsda ATP reytingida 34-pog'onadan joy olgan amerikalik Maksim Kressini 7/6(1), 6/4 hisobida taslim etdi. 

Bu tennischilarning o'zaro o'tkazgan ilk uchrashuvi bo'ldi. Kressi tomonidan ijro etilgan 15 ta eys zarbasi Jokovichni ancha qiyin holatga tushirib qo'ydi. Lekin 10 ta qo'shxato unga qimmatga tushdi.