Abdumalik Xalakov: Hatto, onam bilan gaplasholmayapman

«Murabbiylarim bergan ko'rsatmalarning barchasini bajardim deb o'ylayman. Ular shoshilmasdan mazza qilib jang o'tkaz deyishgandi. CHunki birinchi jangim. Hali bu bilan hamma imkoniyatlarimni ko'rsatmadim. In SHaa Alloh, jangdan-jangga ochilib boraveramiz. Dastlabki jang har doim qiyin bo'ladi. Ringni, raqibni his qilish lozim. Bundan keyingi chiqishlarimni yanada yorqinroq bo'lishiga harakat qilaman.

Muxlislar mendan juda ko'p narsa kutyapti. Buni his qilyapman. Instagramdan yozishadi. Ularga javob bera olmayapman. Hatto, onam bilan gaplasholmayapman. Hayolim faqat chempion bo'lishda. Bu erga bekorga kelmadim. Nasib qilsa, bayrog'imizni baland ko'taraman. Nafaqat men, balki akalarimiz, do'stlarimiz, barchamiz shu vazifani bajarish uchun kelganmiz. Ko'ryapsiz, bir nechta g'alabalar bizga berilmadi. Bu biz uchun zarba. Hasanboy aka, Mirazizbek akalarni kuchliligi uchun chiqarib yuborishdi. SHuning uchun biz raqiblarimizdan bir bosh ustun bo'lib g'alaba qozonishga harakat qilamiz», - dedi Abdumalik Xalakov