Abdumalik Xalokov professional boksdagi debyut jangini elon qildi + POSTER

Yaqindagina Osiyo o'yinlari chempioni bo'lgan charm qo'lqop ustamiz 17 noyabr kuni Toshkentdagi "Humo Arena" majmuasida tashkil etiladigan professional boks oqshomida ukrainalik Oleksandr Egorov (20-9-1) bilan jang qiladi.

Bokschimiz bu jangni quyidagicha izohladi:

"Assalomu alaykum! Barchangizga malum, faoliyatimda yangi sahifa ochish arafasida turibman. Uni jonajon Vatanimda, siz azizlar, yaqinlarim ko'z oldida amalga oshirishni niyat qilganman. Sizlarning qizg'in qo'llab-quvvatlashingizni 17 noyabr kuni "Humo Arena"da his qilishni istayman. Olg'a, O'zbekiston!".

Avvalroq, ushbu turnir doirasida o'zbekistonlik bokschilardan Bahodir Jalolov, Qudratillo Abduquhhorov, Mirazizbek Mirzaxalilov va Mujibillo Tursunovlarning ham jang qilishi haqida xabar bergan edik.