Afg'onistonlik MMAchiga o'q uzildi va pichoqlandi. U ertaga jang qilishi lozim edi

U Rossiyaning ACB va Fight Nights promoushenlari tomonidan tashkil qilinadigan janglarda ishtirok etadi. Ahmad 8 ta jangda ishtirok etib, ularning 7 tasida g'alaba qozongan. 1 tagina bahsda imkoniyatni boy berib qo'ygan.

U ertaga Moskvada rossiyalik Maksim SHekinga qarshi jang qilishi kerak edi. So'nggi 5 oy ichida u Virjinyada mashg'ulotlar olib bordi. O'tgan hafta esa Qobulga qaytib, o'sha erdan Moskvaga jo'nab ketmoqchi edi. Ammo, jangga bir necha kun qolganda unga hujum qilishdi.

Soat taxminan 23:00 lar orasida uyga qaytayotgan Xotakning yo'lini besh kishi to'sadi. Avvaliga uning mashinasiga qarata o'q uzishadi. Keyin esa uni mashina salonidan chiqarib, boshiga va qorniga pichok bilan zarba berishdi. SHundan so'ng zo'ravonlar voqea joyidan yashirinishadi.

Qonga belangan Xotakni qarindoshlari mashinasi oldidan topib oladilar. SHu ondayoq tez yordam chaqiriladi. Hozir uning holati yaxshilangan.

"Afg'oniston men bilan fahrlanishi uchun qaytaman. Yana jang qilaman va o'z vatani uchun so'nggi qoni to'kilgunga qadar kurashish qanday bo'lishini ko'rsatib qo'yaman", - dedi Ahmad.