Alamli mag'lubiyatlar. Tennis qiroli Rojer Federerning "Ulkan toj" finallaridagi eng alamli 5 ta mag'lubiyati

SHu boisdan, Rojerning "Katta dubulg'a" turnirlarining finalidagi eng alamli mag'lubiyatlarini eslatib o'tamiz.

"Rolan Garros-2008". Rafael Nadal – Rojer Federer – 6:1, 6:3, 6:0.

Parijda uch marta ketma-ket finalda uchralgan mag'lubiyat Federer uchun juda og'irli bo'lgan. Lekin Rojer “Rolan Garros”dagi eng alamli mag'lubiyatini 2008 yildagi turnirning finalida qabul qilib olgan. O'sha bahsda Rojer huddi bolakaydek o'yin ko'rsatgan. Uchrashuv ikki soatga bormay yakunlangan. Eng yomoni shveycariyalik tennis qiroli XXI asrdagi dastlabki nollik setini qabul qilgan.

"Uimbldon-2008". Rafael Nadal – Rojer Federer – 6:4, 6:4, 6:7 (5:7), 6:7 (8:10), 9:7.

“Rolan Garros”dagi alamli mag'lubiyatdan ikki oy o'tib tennis qirollari “Uimbldon” musobaqasining finalida yana bir bor to'qnash kelishdi. Bu bahs Londondagi “Ulkan toj” musobaqasidagi eng shiddatli final bahsi sifatida tarixga kirgan. Bahsda Federer raqibiga qattiq qarshilik qilishga qaramay, yana bir bor Nadaldan mag'lubiyat qabul qilib oldi. SHu tariqa, Rojerning "Uimbldon"dagi besh yillik g'alabali seriyasi yakunlangan.

"Australian Open-2009". Rafael Nadal – Rojer Federer – 7:5, 3:6, 7:6 (7:3), 3:6, 6:2.

Federerning faoliyatidagi uchinchi alamli mag'lubiyatini yana bir bor grunt qiroli Rafael Nadaldan qabul qilib oldi. Rafa hard qoplamali turnirlarda u qadar muvaffaqiyatli ishtirok etmagan. Lekin, 2009 yilgi "Australian Open” bahslarida barchani lol qoldirishni uddaladi. Ko'pchilik finalda Rojer raqibini qiyinchiliksiz mag'lub etadi deb o'ylagandi. Sababi, Rafael hardda yaxshi o'ynolmaydi, bundan tashqari bir kun ilgari Verdaskoga qarshi yarim final uchrashuvida besh soat davom etgan besh setlik uchrashuv o'tkazgandi. Lekin, finalda Rafael Rojerga nisbatan tetikroq o'yin ko'rsatib g'alaba qozondi. SHu tariqa, shveycariyalik tennischi bir yil davomida uchinchi marta “Ulkan toj” musobaqasining finalida Nadaldan mag'lubiyatni qabul qilib oldi.

"US Open-2009". Xuan-Martin del Potro – Rojer Federer – 3:6, 7:6 (7:5), 4:6, 7:6 (7:4), 6:2.

Bir nechta omadsiz finallardan so'ng Federerga omad kulib boqishni boshladi. 2009 yilda faoliyatidagi birinchi hamda yagona “Rolan Garros” turnirida zafar quchdi. Bu g'alabadan so'ng, bir oy o'tib “Uimbldon”da yutish bo'yicha afsonaviy Pit Samprasning rekordini yaxshiladi. Rojer AQSHdagi “Ulkan toj” finalida argentinalik Xuan-Martin del Potroga qashi bahs olib bordi. Federer hal qiluvchi to'rtinchi setda ikkita match pointdan foydalana olmadi, beshinchi setda esa del Potro shunchaki raqibini yakson qilib tashladi.

"Uimbldon-2019". Novak Jokovich – Rojer Federer – 7:6, 1:6, 7:6, 4:6, 12:12 (7:3)

Bir necha kun oldin o'tkazilgan "Uimbldon" finalida Rojer g'alabaga juda yaqin kelgandi. Orada u matchbolga ham ega bo'lgandi. Afsuski, qahramonimiz 40:15 ko'rinishidagi matchbolni g'alabaga aylantira olmadi va yakunda Jokovich g'alabani o'z tomoniga og'dirib oldi. 

Horijiy saytlar asosida Nig'monxo'ja Nozimov tayyorladi