Ana bo'lmasam! Ulanbekovning jangi jarohat sabab bekor qilindi

"Bo'lajak jangimga juda qattiq tayyorlandim, zalda 100 % borimni berib shug'ullandim. Jangga 12 kun qolgandi, vazn qilish haftasini boshlashdan avval og'ir sparring o'tkazdim. Oktagonga chiqdim, ikki raund ishladim. Ammo, uchinchi raund so'ngida teykdaun amalga oshirishga urindim va tanamning o'ng qismida og'riq his qildim. 

Kecha rentgenga tushdim. SHifokor qovurg'am singanini aytdi. Aynan shu sababdan jangim bekor bo'ldi. Menga ishongan va qo'llab-quvvatlagan barchaga rahmat", - deb yozgan Ulanbekov ijtimoiy tarmoqdagi sahifasida.

Avvalroq, Tagir Ulanbekovning navbatdagi raqibi va jang sanasi malum bo'lgani haqida xabar bergan edik. Bundan tashqari, u yaqindagina Xabib Nurmagomedov bilan mashg'ulotlarni o'tagan edi.