Bahodir Jalolovning navbatdagi raqibi malum

Bahodir Jalolov navbatdagi jangini amerikalik raqibga qarshi o'tkazadi

Jahon chempionati sovrindori, bugungi kunda professional boksda faoliyat olib borayotgan superog'ir vaznli charm qo'lqop ustasi Bahodir Jalolov navbatdagi jangini kimga qarshi o'tkazishi malum bo'ldi.

Bundan bir necha kun oldin ringga ko'tarilgan bokschimiz professional faoliyatidagi uchinchi jangini amerikalik Tayrel Raytga qarshi o'tkazadi.

Malumot uchun, Jalolov shu kungacha prof ringda ikki marotaba jang o'tkazib, ularning har ikkisida raqiblarini nokaut evaziga mag'lub etgan. Professional boksdagi faoliyatini 2012 yilda boshlagan Rayt esa 13 marotaba ringga ko'tarilib, ularning 9 tasida g'alaba qozongan ( 6ta jangda nokaut evaziga raqiblaridan ustun kelgan). 2 ta bahsda imkoniyatni boy bergan. Yana 2 ta jangda durangga erishgan.

Olti raundlik jang 27 oktyabr oktyabr kuni Nyu-York shahridagi mashhur "Madison Square Garden" arenasida bo'lib o'tadi.

Eslatib o'tamiz, Bahodir 29 sentyabr kuni meksikalik Eduardo Vitelaga qarshi jang qilib, birinchi raunddayoq raqibini nokautga uchratgandi.