Bir nechta rekordlarni takrorlagan Svyontek mavsumni reyting peshqadami sifatida yakunlashi mumkin

Bu bilan polshalik tennis malikasi bir nechta rekordlarni takrorlashga muvaffaq bo'ldi. U 1/2 finalda dunyoning birinchi raketkasi, belaruslik Arina Sobolenkoni mag'lubiyatga uchratdi. Bu Iganing mavsumdagi 67-g'alabasi bo'ldi. Agar u finalda ham zafar quchsa, o'ziga tegishli bo'lib turgan o'tgan yilgi rekordni yangilaydi. 

Bundan tashqari, Svyontek final yo'lida 19 ta geymni (14 ta guruh bosqichida, 5 ta 1/2 finalda) boy berdi. Bu bilan u belgiyalik Jyustin Enenning 2007 yildagi natijasini takrorladi. 

Iga Svyontek faoliyatida ilk bor dunyoning amaldagi birinchi raketkasini mag'lubiyatga uchrata oldi. SHu kungacha u ikki bor avstraliyalik Eshli Bartiga yutqazgandi. Bartidan keyin o'zi sayyoramizning birinchi raqamli tennischisiga aylangan polshalik 2023 yilning sentyabrigacha reyting peshqalamligini o'zida saqlab turdi.

Agar Iga Kankunda WTA Yakuniy turniri chempionligini qo'lga kiritsa, u holda mavsumni jahonning birinchi raketkasi sifatida yakunlaydi. Aks holda Arina Sobolenko birinchi raketka sifatida qoladi. Svyontek bosh sovrin uchun kechadigan final uchrashuvida amerikalik Jessika Pegulaga qarshi kortga chiqadi.