Birinchi og'ir vaznda WBO chempioni ilk himoya jangini o'tkazdi

BOXXER promouterlik kompaniyasi tomonidan o'tkazilgan oqshomning asosiy jangida birinchi og'ir vazn (90,7 kg.gacha) toifasida WBO yo'nalishi chempioni, britaniyalik Kris Billam-Smit (18-1, 13 KO) polshalik tajribali Mateush Masternak (47-5, 31 KO)ga qarshi ringga ko'tarildi. 

O'n ikki raundga mo'ljallangan jang muddatidan avval yakunlandi. Sakkizinchi raundda Masternak jarohati sabab jangni davom ettira olmasligini malum qildi. 33 yoshli Kris Billam-Smit uchun bu ilk chempionlik himoya jangi edi. U professional boksdagi faoliyatini 2017 yilda boshlagan. SHu yil may oyida Lourens Okolini mag'lub etib, WBO kamarini qo'lga kiritgandi.