Bloger Jeyk Pol raqibini birinchi raundda nokautga uchratdi

AQSHning Florida shtati Orlando shahrida tashkil etilgan oqshom doirasida u hamyurti Andre Avgustga qarshi ringga ko'tarildi. Amerikalik 26 yoshli Jeyk jangni imkon qadar tezroq yakunlashga vada bergandi va u buni amalda uddaladi. Pol birinchi raundning ikkinchi daqiqasi o'ttiz ikkinchi soniyasi o'tib borayotgan bir pallada raqibini o'ng tomondan yo'llagan apperkot zarbasi evaziga nokautga uchratdi. 

SHu tariqa, Jeyk Pol ketma-ket ikkinchi g'alabasini nishonladi. U bundan avvalgi jangida hakamlarning ayri qarori bilan britaniyalik professional bokschi Tommi Fyuriga ochkolar hisobiga ko'ra imkoniyatni boy berib qo'ygandi. SHu yilning avgustida esa u sobiq UFC jangchisi Neyt Diasni mag'lub etgan edi.

Bugun Pol professional boksdagi sakkizinchi g'alabasini qo'lga kiritdi. U faoliyati davomida Ben Askren, Anderson Silva, Tayron Vudli singari taniqli aralash yakkakurash ustalaridan ustun kelgan. Jeyk Polning PFL ligasi bilan shartnomasi bo'lib, kelasi yili aralash qoidalar bo'yicha ham debyut qiladi.