Boks bo'yicha 2023 yilgi O'zbekiston chempionati yakunlandi (Barcha natijalar)

Kun davomida erkaklar o'rtasida 13 ta vazn toifasida g'olib va sovrindorlar nomi aniqlandi.

Erkaklar o'rtasidagi bellashuvlarning g'olib va sovrindorlari:

-48 kg: SHodiyorjon Meliqo'ziev (Farg'ona 1) - Avazjon Yo'ldoshev (Farg'ona 2), (Hakamlarning yakdil qarori bilan) 

-51 kg: Asilbek Jalilov (Buxoro) - Muhammadqodir Mamirjonov (JTSU), (Hakamlar qarori bilan) 

-54 kg: SHahzod Muzaffarov (Buxoro) - Foziljon Abdumurodov (Jizzax), (Hakamlarning yakdil qarori bilan)

-57 kg: Miraziz Mirzahalilov (Farg'ona 1) - Xudoynazar Fayzov (Toshkent viloyati), (Hakamlarning yakdil qarori bilan)  

-60 kg: Dilshod Abdumurodov (Surxondaryo) - Asadbek Rajabov (Yoshlar TJ), (Hakamlar qarori bilan) 

-63,5 kg: Ruslan Abdullaev (Toshkent viloyati) - Mujibillo Tursunov (Andijon 1), (Hakamlarning yakdil qarori bilan) 

-67 kg: Kamronbek Turg'unboev (Toshkent) - SHavkatjon Boltaev (Yoshlar TJ), (Raqib jangga chiqmadi) 

-71 kg: Asadxo'ja Mo'ydinxo'jaev (Farg'ona 1) - Havasbek Asadullaev (Andijon 2), (Raqib jangga chiqmadi)

-75 kg: Aloxon Abdullaev (Namangan) - Javohir Ummataliev (Yoshlar TJ), (Hakamlar qarori bilan) 

-80 kg: To'rabek Xabibullaev (Toshkent viloyati) - Jasurbek Yo'ldoshev (ROPZM), (Hakamlarning yakdil qarori bilan)  

-86 kg: SHohjahon Abdullaev (ROPZM) - Samandar Jalolov (Toshkent), (Abdullaevning burchagi 2-raundda jangni davom ettirmadi) 

-92 kg: Lazizbek Mullojonov (Farg'ona 1) - Madiyar Saidrahimov (Toshkent viloyati), (Hakamlarning yakdil qarori bilan)

+92 kg: Jahongir Zokirov (Jizzax) - Abdurahim Jo'raev (Toshkent), (Hakamlarning yakdil qarori bilan).

-------------------------------------------------------------

19:01. Eng og'ir vazn toifasida o'tkazilgan final jangida jizzaxlik Jahongir Zokirov Toshkent vakili Abdurahim Jo'raevni hakamlarning yakdil qarori bilan mag'lubiyatga uchratdi va O'zbekiston chempionati g'olibiga aylandi.

18:45. Lazizbek Mullojonov va Madiyar Saidrahimov o'rtasidagi jang to'liq davom etdi. Jangda Mullojonov hakamlarning yakdil qarori bilan 5:0 hisobida g'alaba qozondi va O'zbekiston chempionligini qo'lga kiritdi.

18:29. Navbatdagi jangda SHohjahon Abdullaev burchagi 2-raundda jangni davom ettirishni istamagani sababli, Samanjar Jalolov O'zbekiston chempioni unvoniga ega bo'ldi.

18:15. Navbatdagi jang ham yakunlandi. Unda Toshkent viloyati bokschisi To'rabek Xabibullaev ROPZM talabasi Jasurbek Yo'ldoshevga qarshi ringga chiqdi va hakamlarning yakdil qarori bilan 5:0 hisobida g'alaba qozonib, O'zbekiston chempioniga aylandi.

18:02. O'zbekiston chempionati doirasida navbatdagi jang - 80 kg vazn toifasida Toshkent viloyati vakili To'rabek Xabibullaev hamda ROPZM talabasi Jasurbek Yo'ldoshev o'rtasida kechadi.

17:58. -75 kg vazn toifasidagi final jangida Aloxon Abdullaev Javohir Ummataliev bilan bahs olib bordi va hakamlar qarori bilan 3:2 hisobida g'alaba qozonib, O'zbekiston chempionati g'olibiga aylandi.

17:45. -71 kg vazn toifasida ham shunday holat sodir bo'lmoqda. Asadxo'ja Mo'ydinxo'jaev jarohat sabab ringga chiqmadi, Havasbek Asadullaev chempion deb elon qilindi.

17:44. -67 kg vazn toifasidagi final jangida Yoshlar terma jamoasi azosi SHavkatjon Boltaev ringga chiqmagani sababli, Toshkent vakili Kamronbek Turg'unboev g'olib deb elon qilindi.

17:40. Ruslan Abdullaev - Mujibillo Tursunov jangi to'liq davom etdi. Jangda Ruslan Abdullaev hakamlarning yakdil qarori bilan g'alaba qozondi va O'zbekiston chempioniga aylandi!

17:29. O'zbekiston chempionatida eng kutilgan jang - Ruslan Abdullaev va Mujibillo Tursunov to'qnashuvi start oldi.

17:23. Dilshod Abdumurodov hamda Asadbek Rajabov o'rtasida o'tkazilgan -60 kg vazn toifasining final bellashuvida surxondaryolik Dilshod Abdumurodov hakamlar qarori bilan 4:1 hisobida g'alaba qozondi va o'tgan yilgi chempionligini munosib himoya qildi.

17:10. Keyingi jang - 60 kg vazn toifasida surxondaryolik Dilshod Abdumurodov hamda Yoshlar terma jamoasi azosi Asadbek Rajabov o'rtasida kechadi.

17:06. O'zbekiston chempionatida navbatdagi final jangi yakunlandi. -57 kg vazn toifasida o'tkazilgan jangda farg'onalik Miraziz Mirzahalilov Toshkent viloyati vakili Xudoynazar Fayzovni engib, o'z chempionligini saqlab qoldi.

16:48. Jang to'liq davom etdi. Unda SHahzod Muzaffarov hakamlarning yakdil qarori bilan g'alaba qozondi va O'zbekiston chempioniga aylandi!

16:35. Navbatdagi jang -54 kg vazn toifasida buxorolik SHahzod Muzaffarov hamda Jizzax vakili Fozil Abdumurodov o'rtasida kechadi. Malumot uchun, Muzaffarov ushbu vaznning amaldagi chempioni hisoblanadi.

16:31. Jang yakunlandi. Asilbek Jalilov hakamlarning yakdil qaroriga ko'ra, 5:0 hisobi bilan Muhammadqodir Mamirjonovni mag'lubiyatga uchratdi va O'zbekiston chempioni unvoniga sazovor bo'ldi.

16:20. Bizda kunning ikkinchi finali start olmoqda. -51 kg vazn toifasida buxorolik amaldagi chempion Asilbek Jalilov Jismoniy tarbiya va sport universiteti talabasi Muhammadqodir Mamirjonovga qarshi jang qiladi.

16:15. Ikki farg'onaliklar qarama-qarshiligida SHodiyor Meliqo'ziev hakamlarning yakdil qarori bilan ochkolar hisobiga ko'ra g'alaba qozondi va -48 kg vazn toifasida 2023 yilgi O'zbekiston chempionati g'olibiga aylandi.

16:01. Oqshomning ilk jangi start olmoqda. Unda SHodiyorjon Meliqo'ziev hamda Avazjon Yo'ldoshev -48 kg vazn chempionligi uchun bahs olib boradi.

15:50. Assalomu alaykum qadrli boks muxlislari! Bugun boks bo'yicha kattalar o'rtasida 2023 yilgi O'zbekiston chempionatining hal qiluvchi, final bellashuvlari o'tkazilmoqda. Janglarni "Sport" telekanali orqali kuzatib borishingiz mumkin.