CHirchiqda dzyudo bo'yicha xalqaro turnir o'tkazildi

Dzyudo bo'yicha sport ustasi Aziz Saitov xotirasi uchun tashkil etilgan mazkur uchinchi bor o'tkazilgan xalqaro turnirda O'zbekiston, Tojikiston, Qirg'iziston, Qozog'iston hamda Yaman davlatlaridan 350 nafarga yaqin yosh dzyudochilar g'oliblik uchun kurash olib borishdi. 

CHirchiq shahar hokimligi, O'zbekiston davlat jismoniy tarbiya va sport universiteti, Toshkent viloyati yoshlar siyosati va sport bosh boshqarmasi, Toshkent viloyati dzyudo federaciyasi, CHirchiq sport maktabi  hamkorligida yuqori saviyada tashkil etilgan musobaqaning birinchi kunida 2007-2008 yillarda tug'ilgan yoshlar o'rtasida kuchlilar aniqlandi. Unga ko'ra o'g'il bolalar o'rtasida 50 kg. Xurshid Burxonov  (Samarqand), 55 kg. Eldor SHaripov (Samarqand), 60 kg. Najmiddin Davlatov (Tojikiston), 66 kg. Muhammad Ergashev ( Farg'ona), 73 kg. Inomjon Bahodirov (Toshkent sh.), 81 kg. Botir Yuldoshev (Toshkent sh.), +81 kg. Ubaydullo Botirov (Toshkent sh.) barcha raqiblaridan ustun kelib, birinchi o'rinni egallashdi. Qizlar o'rtasida esa 44 kg. da xorzamlik Kumushbibi Ergasheva,  48 kg. da qashqadaryolik Nargiza Do'smatova, 52 kg. da xorazmlik SHahrizoda Romanova, 57 kg. da xorzamlik Zuhra Umarova, 63 kg. da qashqadaryo Gulasal Obloqulova, +63 kg. da Umida Nigmatova faxrli birinchi qo'lga kiritishdi. SHuningdek, 25 noyabr kuni musobaqaning tantanali ochilish marosimi ham tashkil etildi. Musobaqaning ikkinchi kunida 2009-2010 yillarda tug'ilgan o'smirlar va qizlar belgilangan vazn toifalarida o'zaro kuch sinashdi. 

Bellashuvlar yakunida g'olib va sovrindorlar turnir tashkilotchilari tomonidan diplom, medal va qimmatbaho esdalik sovg'alari bilan mukofotlanishdi. 

Ilhom RAHMONOV tayyorladi.