CHisoraning ishtahasi ochildi, u Xirndan Uaylder bilan jang tashkil qilishni so'radi

38 yoshli bokschi bir nechta jangdan so'ng faoliyatini yakunlashini ham takidladi.

"Ko'p kuchim qolmadi. Lekin hammasini sizlar uchun ishlatishga vada beraman. Yana bir necha jang o'tkazgandan keyin boksdan ketaman. Men kuchli jangchilar bilan jang qilishni xohlayman. Eddi Xirnga, agar Uaylder bilan jang tashkil qilib bersa xursand bo'lishimni aytdim.

Men o'z davrimdagi barcha kuchli bokschilar bilan jang qilmoqchiman. G'alaba yoki mag'lubiyat, bu ahamiyatsiz. Men shunchaki boks tushishni xohlayman. Xirn va Matchroomʼga rahmat.

Bugun mening jangimda bolalar ham ishtirok etdi. Ular meni birinchi marta boks tushishimni ko'rishdi. Menga g'alaba kerak edi. Ko'p janglarda mag'lub bo'ldim va bu jangda g'alaba qozonishim kerak edi. G'olib bo'lish yoqimli albatta.

Ammo, Pulev g'alaba qozongan taqdirda ham oldinga yurishda davom etardim. Men xafa bo'lmayman. Sababi Xudoning men uchun tuzgan rejasi bor", - dedi CHisora.

Eslatib o'tamiz, Derek CHisora bolgariyalik tajribali raqibi Kubrat Pulevni 116-114, 116-122, 112-116 hisobida mag'lub etdi va WVA International kamarini qo'lga kiritdi.