Cicipas kuchli tennischilar qatorida ruslarning ko'pligi sababini aytdi

Agarda ATP-2023 Yakuniy turnirga etib kelgan tennischilarga ahamiyat beradigan bo'lsak, 8dan 4 nafari yoki rossiyalik (Daniil Medvedev, Andrey Rublyov) yoki rus qoni bor (Aleksandr Zverev 1991 yilda SSSRdan Germaniyaga ko'chib o'tgan, Cicipas esa rossiyalik sobiq tennischi Yuliya Salnikovaning farzandi).

"Menimcha gap tartib-intizomda. Sobiq Ittifoqda nimalar bo'lganini bilish uchun men kim bo'lishim kerak? Aytishim mumkinki, o'shanda odamlar og'ir davrlardan o'tishgan, buni onam misolida aytishim mumkin. Hayot oson bo'lmagan, u kurashishga majbur bo'lgan. Bu uning xarakteriga, ichki hissiyotlarida ham o'rnashib qolgan.

Onam juda kuchli, tartibli va o'z maqsadi uchun qurbonlik qilishdan qaytmaydigan ayol. Bu narsa uning farzandlariga ham o'tgan bo'lsa kerak deb o'ylayman. Umuman olganda, bolaligimdan bu narsa tarbiyamning bir qismiga aylangan", - dedi Cicipas.