28 mar 07:32
Yangiliklar

Qishki sport turlari

Dmitriy CHigiryov: "Olimpiadada O'zbekiston nomidan qatnashish biz uchun katta sharaf"

Figurali uchishning juftlik yo'nalishi bo'yicha O'zbekiston terma jamoasi azolari Ekaterina Geynish va Dmitriy CHigiryov kecha bo'lib o'tgan qisqa dasturdagi chiqishidan keyin o'z fikrlari bilan o'rtoqlashdi.

"Biz bugungi chiqishimizdan mamnunmiz. Maqsadimiz qo'limizdan keladigan hamma narsani ko'rsatib, muzda his-tuyg'ularimizni namoyish etishdir", dedi Ekaterina.

Dmitriy esa qanday qilib O'zbekiston vakiliga aylanganini esladi:

"Men O'zbekistondagi universitetda o'qishni rejalashtirgandim, buni murabbiylarim bilan muhokama qildim va shu tariqa O'zbekiston vakili bo'lish g'oyasi paydo bo'ldi. Ekaterina biz bilan birgalikda bunga rozi bo'ldi, unga ham bu g'oya juda yoqqandi. Bizda Olimpiada uchun passportlarimiz bor. Olimpiadada O'zbekiston nomidan qatnashish biz uchun katta sharaf bo'ladi", dedi CHigiryov.

Bugun sportchilarimiz erkin dasturda ishtirok etadi. Yuqori o'rin ular uchun 2026 yilda Milan va Kortinada o'tadigan Olimpiya o'yinlariga yo'llanma beradi.