25 jan 17:29
Yangiliklar

Dzyudo

Dzyudo. Bosh kotib lavozimida ishlagan Olimpiada sovrindori Rishod Sobirov boshqa lavozimga o'tdi

O'zbekiston dzyudo federaciyasi navbatdan tashqari hisobot-saylov konferenciyasini o'tkazdi.

Konferenciyada O'zbekiston Milliy olimpiya qo'mitasi, Jismoniy tarbiya va sport davlat qo'mitasi, mamlakat dzyudo federaciyasi rahbarlari, federaciyaning hududiy bo'linmalar mutasaddilari, sportchilar, murabbiylar va hakamlar ishtirok etishdi.

Konferenciyada tashkiliy masala ham ko'rib chiqildi. SHu paytga qadar O'zbekiston dzyudo federaciyasida Bosh kotib sifatida ishlab kelgan sportning ushbu turi bo'yicha Olimpiya o'yinlarining uch karra bronza medali sohibi Rishod Rashidovich Sobirov bundan buyog'iga federaciya sport direktori sifatida faoliyatini davom ettiradigan bo'ldi. Abdulla Nazarovich Murodov esa mamlakat dzyudo federaciyasiga Bosh kotib etib saylandi.

Konferenciya davomida O'zbekiston Respublikasi Jismoniy tarbiya va sport davlat qo'mitasi raisi Rustam Qurbonov, Milliy olimpiya qo'mitasi Bosh kotibi Jasur Matchanov, O'zbekiston dzyudo federaciyasi raisi Alisher Akmalov, federaciya vice-prezidentlari SHavkat Mo'minov, Armen Bagdasarov va Dmitriy Adismanlar so'zga chiqib, yurtimizda dzyudoni yanada rivojlantirish, xalqaro maydonda erishilayotgan yutuqlar salmog'ini oshirish, mavjud muammo va kamchiliklarni imkon qadar tezroq bartaraf etish hususida gapirishdi.