Dzyudo. Muhriddin Tilovov Zagreb Gran-prisi sovrindori bo'ldi!

Bugun musobaqa doirasida -66 kg vazn toifasida ikki nafar hamyurtimiz medallar uchun kurashdi. 

Muhriddin musobaqa davomida tojikistonlik dzyudochi Obid Jepov, finlandiyalik Luukas Sahani mag'lub etgan edi. Braziliyalik Villian Limaga esa imkoniyat boy bergach, o'tish bahsida ukrainalik sportchi Iadov Bogdanni mag'lub etib, bronza medali uchun kurashish imkoniyatini saqlab qolgandi. 

SHundan so'ng Tilovov bronza medali ispaniyalik David Garsiyaga qarshi kurashdi. Bellashuv Golden Score'gacha davom etdi va unda Tilovov raqibidagi uchinchi shido evaziga g'alaba qozondi.

SHu tariqa Muhriddin Tilovov Zagreb Gran-Prisini bronza medali bilan yakunladi. 

Birozdan so'ng ushbu vazn toifasida Sardor Nurillaev braziliyalik Villian Limaga qarshi oltin medal uchun kurashadi.