Dzyudo. O'tkirbek To'raboev Bokudagi "Katta Dubulg'a"ni beshinchi o'rinda yakunladi

Bugun kun davomida 7 nafar sportchimiz musobaqada ishtirok etdi. 

Uchinchi kun yakuniga ko'ra hamyurtlarimiz ichida eng yaxshi natijani +100 kg vaznli O'tkirbek To'raboev qayd etdi. U musobaqani 5-o'rinda yakunladi. 

Eslatib o'tamiz, bungacha terma jamoamiz azolaridan Diyora Keldiyorova oltin, Halimajon Qurbonova va Doston Ro'ziev bronza medalini qo'lga kiritgandi. SHu tariqa, O'zbekiston terma jamoasi mazkur turnirni 1 ta oltin va 2 ta bronza medali bilan yakunladi. 

O'zbekistonlik dzyudochilar qayd etayotgan natijalar bilan ushbu sahifa orqali onlayn tarzda tanishib borishingiz mumkin bo'ldi:

+100 kg vaznli O'tkirbek To'raboev bronza uchun bahsda niderlandiyalik raqibiga imkoniyatni boy berdi. 

+100 kg vaznli O'tkirbek To'raboev yarim finalda rossiyalik Valeriy Endovickiyga qarshi kurashdi va afsuski imkoniyatni boy berdi. Endi u bronza medali uchun niderlandiyalik Yur Spiykersga qarshi bahs olib boradi. 

+100 kg vazn toifasida O'tkirbek To'raboev sloveniyalik raqibini mag'lubiyatga uchratdi va yarim finalga yo'l oldi!

-100 kg vazn toifasida Rustam SHorahmatov polshalik raqibga yutqazdi. 

+100 kg vaznli O'tkirbek To'raboev ikkinchi jangida vengriyalik raqibdan ustun keldi!

+78 kg vaznli Rinata Ilmatova qozog'istonlik raqibasiga mag'lub bo'ldi. 

-100 kg vaznli Ernazar Sarsenbaev kanadalik raqibga imkoniyatni boy berdi. 

-100 kg vazn toifasida Rustam SHorahmatov moldovalik raqibini mag'lubiyatga uchratdi va keyingi bosqichga yo'l oldi. 

-90 kg vaznli SHahzodxo'ja SHaripov niderlandiyalik jahon chempioniga mag'lub bo'ldi. 

-78 kg vazn toifasidagi Irisxon Qurbonboeva ikkinchi jangida sloveniyalik raqibasiga imkoniyatni boy berib qo'ydi. 

+78 kg vaznli Rinata Ilmatova qirg'izistonlik raqibasidan ustun keldi. 

+78 kg vaznli Fotima Quramboeva afsuski qozog'istonlik raqibasiga imkoniyatni boy berdi. 

+100 kg vazn toifasida O'tkirbek To'raboev monakolik raqibidan muddatidan oldin mag'lub etdi.

-78 kg vaznli Irisxon Qurbonboeva ilk bosqichda latviyalik raqibasini mag'lub etdi va ikkinchi davraga yo'l oldi. 

Bugun musobaqada kurashadigan sportchilarimiz va ularning ilk raqiblari: 

-90 kg: SHahzodxo'ja SHaripov - Van Noel (Niderlandiya)

-100 kg: Ernazar Sarsenbaev - Kayl Reyes (Kanada)

-100 kg: Rustam SHorahmatov - Luri Mokanu (Ruminiya)

+100 kg: O'tkirbek To'raboev - Marvin Gadeu (Monako)

-78 kg: Irisxon Qurbonboeva - Una Dolgilevica (Latviya)

+78 kg: Rinata Ilmatova - Akmarjan Turdajieva (Qirg'iziston)

+78 kg: Fotima Quramboeva - Karina Takieva (Qozog'iston)