Dzyudo. Portugaliya Gran-Prisining uchinchi kunini medalsiz yakunladik

Unda erkaklar o'rtasida uchta, ayollar o'rtasida esa ikkita vazn toifasida bahslar o'tkaziladi. Kun davomida Rustam SHorahmatov, SHohruh Baxtiyorov, Irisxon Qurbonboeva va Rinata Ilmatova bahslarda ishtirok etdi. Afsuski, ularning xech biri medal qo'lga kirita olmadi. 

SHu tariqa, O'zbekiston terma jamoasi Portugaliya Gran-Prisini 2 ta oltin va 1 ta kumush medal bilan yakunladi. 

Terma jamoamiz safida Dilshod Baratov va Diyora Keldiyorova oltin, Gulnoza Matniyozova kumush medalni qo'lga kiritdi. 

Ushbu sahifa orqali o'zbekistonlik dzyudochilarning uchinchi kungi natijalaridan boxabar bo'lib borishingiz mumkin bo'ldi.

SAHIFANI YANGILASH

+100 kg vazn toifasida SHohruh Baxtiyorov bronza uchun o'tish jangida yaponiyalik dzyudochiga imkoniyatni boy berdi va musobaqadagi ishtirokini yakunladi. 

+100 kg vaznli SHohruh Baxtiyorov chorak finalda rossiyalik jahon chempioni Inal Tasoevga qarshi bahsda imkoniyatni boy berdi.

+100 kg vazn toifasida SHohruh Baxtiyorov qozog'istonlik raqibdan ustun keldi va chorak finalga yo'l oldi!

+100 kg vaznli SHohruh Baxtiyorov birinchi jangini estoniyalik raqibga qarshi o'tkazdi va IPPON evaziga g'olib bo'ldi. 

-78 kg vaznli Irisxon Qurbonboeva Janubiy Koreya vakilasiga imkoniyatni boy berdi. 

-100 kg vazn toifasida Rustam SHorahmatov ekvadorlik dzyudochiga mag'lub bo'ldi. 

+78 kg vaznli Rinata Ilmatova afsuski ilk bosqichdayoq yaponiyalik raqibasiga imkoniyatni boy berib qo'ydi. 

Kun davomida 4 nafar hamyurtimiz bahslarda ishtirok etadi: 

-100 kg: Rustam SHorahmatov

+100 kg: SHohruh Baxtiyorov

-78 kg: Irisxon Qurbonboeva

+78 kg: Rinata Ilmatova

UPD. Post tahrir qilindi. Davlat Bobonov musobaqada ishtirok etmasligi malum bo'ldi.