Dzyudo. Toshkentdagi "Katta Dubulg'a". Birinchi kunda ikkita medal qo'lga kiritdik

Musobaqaning birinchi kunida jang o'tkazadigan o'zbekistonlik dzyudochilar qayd etayotgan barcha natijalar bilan ushbu sahifada tanishib borishingiz mumkin bo'ldi. 

Sardor Nurillaev va -66 kg vaznning qolgan qahramonlari shoxsupada FOTOGALEREYA

Kemran Nurillaev: Medal olmaslikka haqqimiz yo'q edi

Sardor Nurillaev ham bronza medali sohibi! (FOTO)

Kemran Nurillaev va -60 kg vaznning qolgan qahramonlari shoxsupada FOTOGALEREYA

SHu tariqa birinchi kundan olib borilgan matnli translyaciyamiz o'z yakuniga etdi.

-66 kg vaznli Sardor Nurillaev koreya vakili Lim Xvan Kimga qarshi jang o'tkazdi va g'alaba qozondi! U Golden Score'da raqibini taslim etdi!

-60 kg vaznli sportchimiz Kemran Nurillaev tojikistonlik raqibini mag'lub etdi va bronza medaliga ega chiqdi! Bizda ilk bronza medali!

KECHKI DASTUR JANGLARI BOSHLANDI.

Medallar uchun janglar bugun soat 17:00dan so'ng boshlanadi. 

Unda ikki sportchimiz bronza medallari uchun kurashadi:

-60 kg: Kemran Nurillaev - SHahboz Saidaburorov (Tojikiston)

-66 kg: Sardor Nurillaev - Lim Xvan Kim (Janubiy Koreya)

-60 kg. Kemran Nurillaev yarim finalda yaponiyalik Ryuju Nagayamaga qarshi jang qilib, imkoniyatni boy berib qo'ydi. Endi u kechki dasturda bronza medali uchun jang qiladi!

-60 kg vaznli Kemran Nurillaev chorak finalda belgiyalik Yerre Verstraytenga qarshi jang qildi va raqibini IPPON bahosi evaziga mag'lubiyatga uchratib, yarim finalga yo'l oldi!

-66 kg. Sardor Nurillaev bronza medali uchun o'tish jangida mo'g'ulistonlik raqibini mag'lub etdi. Endi hamyurtimiz kechki dasturda medal uchun jang qilish huquqiga ega bo'ldi. 

-66 kg. Artyom SHturbabin uchinchi davrada koreyalik raqibga qarshi jang qildi va musobaqadagi ishtirokini yakunladi. 

-66 kg. Sardor Nurillaev chorak finalda mo'g'ulistonlik dzyudochiga mag'lub bo'ldi. Endi u bronza medali uchun o'tish jangida boshqa bir mo'g'ul sportchiga qarshi tatamiga chiqadi. U biroz avval boshqa bir hamyurtimiz Muhriddin Tilovovni musobaqadan chiqarib yuborgandi. 

-48 kg. Xalimajon Qurbonova ikkinchi davrada italiyalik raqibasiga yutqazib qo'ydi. 

-60 kg. Kemran Nurillaev ozarbayjonlik raqibidan ustun keldi va chorak finalga chiqdi. 

-57 kg vaznli Nilufar Ermaganbetova ikkinchi davrada mo'g'ulistonlik raqibasiga qarshi jang qildi va imkoniyatni boy berdi.

-66 kg. Sardor Nurillaev qiyin kechgan jangda qozog'istonlik Kemelbek Moldashdan ustun keldi va chorak finalga yo'l oldi!

-57 kg. SHukurjon Aminova braziliyalik Jessika Pereyraga yutqazib qo'ydi va musobaqa bilan xayrlashdi.

-60 kg vazndagi Mirzohid Mahammadjonov uchinchi bosqichda qozog'istonlik jahon chempioni Eldos Smetovga Golden Score'da yutqazdi. 

-52 kg. Diyora Keldiyorova ikkinchi davrada mo'g'ulistonlik raqibasiga qarshi jang qilib, Golden Score'da yutqazib qo'ydi. 

-66 kg. Artyom SHturbabin serbiyalik raqibga qarshi jang qildi va raqibini ippon bahosi evaziga taslim etdi. Ajoyib!

-48 kg. Xalimajon Qurbanova ozarbayjonlik raqibasini mag'lub etib, keyingi bosqichga chiqdi.

-57 kg. Muxlisa Ganjaeva rossiyalik raqibasiga yutqazib qo'ydi. 

-66 kg vaznli Dilshod Yo'ldoshev jahon chempioni, Olimpiya o'yinlari finalchisi hisoblangan An Baulga qarshi jang qildi va qo'shimcha vaqtda yutqazib qo'ydi...

-66 kg. Sardor Nurillaev qirg'izistonlik raqibini ippon evaziga mag'lubiyatga uchratdi va keyingi bosqichga chiqdi. 

-48 kg. Gulnur Muratbaeva ozarbayjonlik raqibasiga qarshi bahs olib bordi va muddatidan oldin yutqazdi. 

-60 kg. Kemran Nurillaev braziliyalik raqibidan ippon evaziga ustun keldi. 

Hamyurtimiz Ramziddin Saidov bahslarda hakamlik qilmoqda

-66 kg. Yana bir ishongan sportchimiz Muhriddin Tilovov uchinchi ogohlantirish evaziga mo'g'ulistonlik raqibga mag'lub bo'ldi...

-60 kg vaznli Dilshodbek Baratov yaponiyalik Ryuju Nagayamaga yutqazib qo'ydi.

-60 kg vazndagi Mirzohid Mahammadjonov afg'onistonlik raqibi jangga chiqmaganligi sabab, keyingi bosqichga yo'l oldi.

-52 kg. Diyora Keldiyorova qozog'istonlik Anna Kazyulinani mag'lubiyatga uchratdi va keyingi bosqichga yo'l oldi!

-66 kg vaznli Dilshodbek Yo'ldoshev raqibidagi uchinchi ogohlantirish evaziga g'alaba qozondi va keyingi bosqichga chiqdi!

-60 kg. SHarofiddin Lutfullaev kutilmaganda ilk jangida belaruslik Artyom Kolasovga yutqazib qo'ydi. IPPON! Aynan SHarofiddindan oltin medal kutayotgandik. Afsus... 

-52 kg. Sita Qadamboeva uchinchi ogohlantirish sabab germaniyalik Annika Vurfelga yutqazib qo'ydi. 

-60 kg. Kemran Nurillaev Golden Score'da Nikolay Foka (Moldova) ni mag'lubiyatga uchratdi va keyingi bosqichga chiqdi. 

Qizlarimiz ichida -52 kg vaznli Zuxraxon Mamurjonova birinchi bosqichda Dasol Park (Janubiy Koreya)ga ippon bahosi evaziga mag'lub bo'ldi. Afsus, u g'alaba qozonayotgandi... Ammo birgina xato uning mag'lubiyatiga sabab bo'ldi.

-60 kg. Dilshodbek Baratov iordaniyalik Bilal Almansurni ippon bahosi evaziga mag'lubiyatga uchratdi va ikkinchi bosqichga chiqdi. Boshlanishi ajoyib!

Assalomu alaykum hurmatli sport ishqibozlari. Toshkentdagi "Katta Dubulg'a" turniridan onlayn matnli translyaciyamizni boshlaymiz. 

- - - - - - - - - - 

Musobaqaning birinchi kunida quyidagi sportchilarimiz medallar uchun kurash olib borishadi: 

Erkaklar

-60 kg vazn toifasi:

SHarofiddin Lutfullaev

Dilshod Baratov 

Kemran Nurillaev

Mirzohid Mahammadjonov

-66 kg vazn toifasi:

Sardor Nurillaev

Muhriddin Tilovov

Dilshod Yo'ldoshev 

Artyom SHturbabin  

Ayollar:

-48 kg vazn toifasi:

Gulnur Muratbaeva

Halima Kurbonova

-52 kg vazn toifasi:

Diyora Keldiyorova

Sita Kadambaeva

Zuhra Mamurjanova

-57 kg vazn toifasi:

Nilufar Ermaganbetova

Muxlisa Ganjieva

SHukurjon Aminova