Ekaterina Geynish va Dmitriy CHigiryov juftligi Jahon chempionatining erkin dasturida muvaffaqiyatli chiqish qildi

Bugungi kun dasturidan juftlik yo'nalishidagi erkin dastur bellashuvlari ham o'rin olgan edi.

Unda O'zbekiston terma jamoasi azolari Ekaterina Geynish va Dmitriy CHigiryov chiqish qilib, yakunda 120.68 ballga loyiq ko'rildi. Sportchilarimiz Ispan bastakorlari — Buika va Jeykob Suredaga tegishli Teatro musiqasini muzda ijro etdi. Ularning joriy mavsum erkin dasturdagi eng yaxshi natijasi Kanada Gran-prisida qayd etilgandi — 126.12.

Geynish va CHigiryov juftligi o'z chiqishida 11 ta elementning uchtasida xatoga yo'l qo'ydi. Vakillarimiz bu natijasi orqali bugunning o'zidayoq 2026 yilda Milan va Kortinada o'tadigan qishki Olimpiya o'yinlari yo'llanmasiga ega chiqishi mumkin. Biroq hozircha erkin dasturda g'olib va sovrindorlar aniqlanmadi. Bellashuvlar davom etmoqda.

Juftlik yo'nalishida erkin dasturning ayni damdagi aktual turnir jadvali (Oldinda yana 8 ta juftlikning chiqishi mavjud):