Eng yaxshi sportchi bo'lgan Abdumalik Xalokov oldindagi rejalari, Muzaffar To'raboev va Ulug'bek Rashitov haqida gapirdi

"Bu mukofot men uchun juda quvonarli bo'ldi. CHunki men bilan birga ushbu yo'nalishda Muzaffar To'raboev, Ulug'bek Rashitov kabi sportchilar bor edi. Ular ham bu unvonga munosib edilar.

Bu bilan to'xtab qolmoqchi emasmiz. Oldimizda Parij Olimpiadasi turibdi. Nafaqat men, boshqa o'zbek sportchilari ham Xudo xohlasa birga borib, yurtdoshlarimizni, xalqimizni Prezidentimizni xursand qilishga harakat qilamiz.

- Navbatdagi rejalar qanday? 

- Reja asosida Olimpiadaga tayyorlanamiz. Bolgariyaga ham boramiz va o'sha erdagi "Stranja" musobaqasida qatnashamiz.

- Prof boksda yana jang qilasizmi?

- Professional boksda emas, IBA'ning "CHempionlar oqshomi" musobaqasida ringga ko'tarilaman. Jang fevral kuniga mo'ljal qilinmoqda. Hozircha raqib aniq emas, yanvar oyida malum bo'ladi. 

Tayyorgarlik har doimgidek davom etmoqda. To'xtash yo'q, chunki to'xtagan odam yiqiladi. Endi Parij Olimpiadasiga qadar dam olish yo'q", - dedi Abdumalik Xalokov.