Entoni Pettis va Ben Xenderson o'rtasida uchinchi jang o'tkazildi

Entoni Pettis va Benson Xenderson o'zaro uchinchi jangi AQSHning Las-Vegas shahrida tashkil etilgan Karate Combat 43 turniri doirasida bo'lib o'tdi. Karate qoidalari asosida o'tkazilgan besh raundlik jangda g'olib aniqlanmadi. Qo'shimcha oltinchi raundda Entoni "SHoutaym" Pettis hakamlarning yakdil qarori bilan g'alabani ilib ketdi.  

Jang yakunlanganidan so'ng Entoni Pettis ushbu turnirda sharhlovchilik qilgan Jorj Sent-Perrga "vyzov" tashladi. Kanadalik afsona esa bu chorlovga chiroyli tarzda yo'q deya javob berdi.

Eslatib o'tamiz, 2010 yilning 16 dekabr kuni Entoni Pettis Benson Xendersonni ochkolar hisobiga ko'ra taslim etib, raqibining engil vazndagi WEC chempionlik kamarini tortib olgandi. Oradan uch yil o'tib, Pettis yana g'alaba qozondi va bu safar UFC kamarini qo'lga kiritdi.