Etti karra Olimpiya o'yinlari chempioni JCH-2023 saralashidan ham o'ta olmadi

U shu yili Fukuokada suv sport turlari bo'yicha o'tkaziladigan jahon chempionati saralashidan ham o'ta olmadi. U Indianapolisda o'tgan AQSH chempionatining erkin suzish bahslarida 22-o'rinni egalladi. Bu esa unga faqat C finalida start olishigagina imkoniyat berdi, xolos.

Bunga qadar 26 yoshli Dressel Tokioda chempion bo'lgan ikki yo'nalishi doirasida chempionatda sovrindorlar qatoridan o'rin ololmagandi. 100 metrga batterflyay usulida suzishda 5-o'rinni olgan bo'lsa, 100 metrga erkin usulda suzishda esa hatto finalga ham chiqa olmagandi. 

SHuningdek, u chempionatda Olimpiya o'yinlari dasturiga kirmaydigan 50 metrga batterflyay uslubida suzishda 3-o'ringa ega chiqdi. Amerikalik hisobida shaxsiy toifadagi medallardan tashqari, Rio-de-Janeyro va Tokioda estafetada qo'lga kiritgan ikkita oltin medali ham bor.

2017 yili Budapeshtda o'tgan jahon chempionatida Dressel ikkita oltin medalni qo'lga kiritgan va keyinchalik 100 metrga erkin usulga suzish musobaqalaridan keyin sog'lig'idagi muammolar sabab turnirdan g'alati tarzda chetlashtirilgandi.

Bu yil boshlanguniga qadar u jamiyat etiboridan deyarli yo'qolib qoldi va Floridadagi talimini ham boshlamadi. Dressel may oyida Atlantadagi kichik turnirda qatnashib, faoliyatini qayta boshlagandi. JCH-2022dagi ishtirokdan so'ng mamlakat chempionati u uchun ilk yirik turnir bo'ldi.