Fazliddin G'oibnazarovning bo'lajak raqibi, sobiq jahon chempioni Rajab Butaev hamyurtimizga qarshi jang oldidan o'z fikrini bildirdi

Bokschilar o'rtasidagi jang 6 noyabr kuni Rossiyaning Sochi shahrida tashkil etiladigan professional boks oqshomida o'tkaziladi.

"Ha, qaytishim ko'p vaqtni oldi, deyarli 1 yil ringga chiqmadim. Avvaliga sog'ligim bilan bog'liq muammolar bo'ldi, men davolanayotgan edim, keyin sankciyalar tufayli jang qila olmadim. To'g'risini aytsam, qo'lqoplarimni ilib qo'yish haqida o'ylagandim, lekin kattalar bilan maslahatlashib, yaxshilab o'ylab, yana chempion bo'lishga qaror qildim!

Nihoyat ringga chiqayotganimdan, jang Rossiyada bo'lishidan va oilam mening jangimni jonli ko'rishi mumkin bo'lganidan xursandman. Ha, Fazliddin jiddiy raqib, Olimpiada chempioni unvoni ko'p narsani anglatadi, lekin mening maqsadim ikki karra jahon chempioni bo'lish, va bu yo'lda qarshimda kim turishi muhim emas".

32 yoshli Fazliddin G'oibnazarov prof boksda 11 g'alaba (6 nokaut) va 1 mag'lubiyat qayd etgan. Yagona mag'lubiyatini 2019 yilda Maykl Foksdan qabul qilib olgan. 2022 yilning 2 dekbar kuni "Humo Arena"da yana bir hamyurtimiz Jamshid Karimovni ochkolar hisobiga ko'ra taslim etgan edi. Bu uning hozircha so'nggi jangi bo'lib turibdi.    

Qiziq bir malumot, Fazliddin Butaevga qarshi jang o'tkazgan uchinchi o'zbek bokschisi bo'ladi. Bunga qadar Rajab 2017 yilda bokschilarimiz SHerzodbek Olimjonov va Bahrombek Payozovni muddatidan avval mag'lubiyatga uchratgan edi.