Gandbol. Singapurdagi Osiyo chempionatida ishtirok etgan yigitlarimiz ham, qizlarimiz ham kumush medalga ega chiqdi

Osiyo birinchiligida O'zbekiston terma jamoasi vakillari ham ishtirok etdi.

Davraviy tizimdagi turnir davomida yigitlar terma jamoamiz Gongkong, Malayziya, Xitoy Taypeyi, Tayvan ustidan g'alaba qozondi. Yakuniy, final bellashuvida esa hamyurtlarimizga Yaponiya terma jamoasi raqiblik qildi. Bahs 30:30 hisobida yakunlandi. To'plar nisbatida esa yaponiyaliklar birgina gol farqi bilan yoshlarimizdan ustun keldi. SHu tariqa, yoshlar terma jamoamiz Osiyo chempionatida ikkinchi o'rinni qo'lga kiritdi.

Ahamiyatlisi, qizlar terma jamoamiz ham nufuzli musobaqaning kumush medallariga ega chiqdi. Ular musobaqa davomida Malayziya, Gongkong, Yaponiya, Indoneziya, Singapur ustidan zafar quchdi. Hal qiluvchi bahsda esa Tayvanga imkoniyat boy berildi.