Geynish va CHigiryov ertaga tongda Jahon chempionatining qisqa dasturida ishtirok etadi

Avval ham xabar berganimizdek, dunyo birinchiligida juftlik yo'nalishi bo'yicha O'zbekiston terma jamoasi azolari Ekaterina Geynish hamda Dmitriy CHigiryov ham ishtirok etadi. 

Bugun turnirning ilk kuni doirasida ayollar va juftlik yo'nalishidagi qisqa dastur bellashuvlari tashkil etiladi. Vakillarimizning chiqishi Toshkent vaqti bilan 27 mart kuni tonggi 03:30 dan keyin boshlanadi. 

Juftlik yo'nalishida Geynish va CHigiryovdan tashqari 16 ta terma jamoaning 23 juftligi g'oliblik uchun kurash olib boradi. Mazkur dasturdagi amaldagi chempionlar Kanada vakillari — Dianna Stellato-Dudek hamda Maksim Desham hisoblanadi.

Qisqa dasturda 23 ta juftlik ishtirok etsa-da, ularning 16 ta eng yaxshi natija qayd etganlari erkin dasturda ham chiqish qilish imkoniyatini qo'lga kiritadi.