Ikkita kamarga erishgan Islam Maxachev hozir nimadan motivaciya olayotganini aytdi

"Rostini aytsam, kareram boshidagi motivaciya hozir yo'q. Lekin men hali ham g'alaba qozonishni istayman. Endigi motivaciyam — mag'lub bo'lmaslik va chempionlik kamarimni saqlab qolish.

Men kamarlarni qo'lga kiritdim. Yana bir vazn toifasiga o'tib, yana chempion bo'lish juda qiyin. Kamtarlik qilmay aytaman, bu sportda deyarli barcha cho'qqilarni zabt etdim.

Hozir erishganlarimni yo'qotishni istamayman. SHuning uchun ham mashg'ulotlarni davom ettiryapman. Odamlar men uchun qayg'urayotganini, muxlislik qilayotganini his qilib turaman.

Men uchun eng katta maqsad — bolalar mendan yaxshi inson sifatida namuna olishidir. Sog'lom turmush tarziga amal qilgan, kattalarni hurmat qilgan, kichiklarga yaxshi munosabatda bo'lgan va yaxshi ota bo'lgan inson sifatida.

Buyuk sportchilar ko'p bo'lgan va yana bo'ladi. Men esa yaxshi inson sifatida esda qolishni xohlayman. Bolalar: “Men Islamdek bo'lishni xohlayman”, deb aytsa va ota-onalari bundan xursand bo'lsa, shuning o'zi men uchun katta yutuq", — dedi Maxachev.