06 okt 17:47
Yangiliklar
JCH-2022. Dzyudochimiz 5-o'rin bilan kifoyalandi
Bugun kun davomida erkaklar o'rtasida -60 kg, ayollar o'rtasida esa -48 kg vazn toifasida bahslar o'tkazildi. Unda ikki nafar o'zbek dzyudochisi ham kurashdi. Erkaklar o'rtasida -60 kg vaznda Dilshod Baratov, ayollarda esa -48 kg vaznli Halimajon Qurbonova medallar uchun kurashdi.
Bir necha raqiblarini mag'lubiyatga uchratib, yarim finalgacha etib kelgan Dilshodbek Baratov bronza uchun bahsda qozog'istonlik Eldos Smetovga qarshi bahs olib bordi va afsuski imkoniyatni boy berdi.
Halimajon Qurbonova esa ikkinchi bosqichda italiyalik raqibasiga yutqazib qo'ydi.
Hamyurtlarimizning qayd etayotgan natijalari bilan ushbu sahifada tanishib borishingiz mumkin bo'ldi.
Afsuski Dilshodbek Baratov Golden Score'da Eldos Smetovga yutqazib qo'ydi. Sportchimiz 5-o'rin bilan kifoyalandi.
Kechki dastur janglari boshlandi. Hozircha ayollar o'rtasida -48 kg vazn toifasida medallar uchun bahslar o'tkazilmoqda. Birozdan so'ng Dilshodbek Baratov qozog'istonlik Eldos Smetovga qarshi tatamiga chiqadi.
Endi Baratov soat 17:00dan so'ng boshlanadigan final blokda bronza medali uchun bahs olib boradi. Unga qozog'istonlik Eldos Smetov raqiblik qiladi. Hamyurtimiz ishtirokidagi bahs taxminan 17:15 dan keyin boshlanadi.
Dilshodbek Baratov yarim finalda mo'g'ulistonlik Ariunbold Enktaivaga qarshi bahs olib bordi va Golden Score'da imkoniyatni boy berib qo'ydi.
Endi Baratov yarim finalda mo'g'ulistonlik Ariunbold Enktaivan bilan bellashadi.
-60 kg vaznli Dilshodbek Baratov isroillik Yam Volczakka qarshi bahs olib bordi va vazari bahosi evaziga g'alaba qozonib, yarim finalga chiqdi!
Birozdan so'ng Dilshodbek Baratov chorak finalda Isroil vakili Yam Volczakka qarshi tatamiga chiqadi.
-48 kg vaznda Halimajon Qurbonova italiyalik Assunta Skuttoga qarshi bahs olib bordi va afsuski ippon evaziga yutqazib qo'ydi.
-60 kg vaznda Dilshodbek Baratovning koreyalik Li Harimga qarshi jang qildi va uchta shido bahosi evaziga g'alaba qozondi.
-48 kg vaznli Halimajon Qurbonova ilk bosqichda turkiyalik Merve Azakka qarshi bahs olib bordi va Golden Score'da uchinchi shido evaziga g'alaba qozondi.
-60 kg vaznli Dilshodbek Baratov ikkinchi bosqichda ukrainalik Artyom Lesyukka qarshi tatamiga chiqib, ippon evaziga g'alaba qozondi.
Dilshodbek ikkinchi davrada ukrainalik Artyom Lesyukka qarshi bahs olib boradigan bo'ldi.
-60 kg vaznli Dilshodbek Baratov ilk bosqichda Muhammad Akashga qarshi kurashdi va g'alaba qozondi. Raqib uchta shido evaziga mag'lub etildi.
Sportchilarimiz musobaqani quyidagi raqiblarga qarshi boshlashadi:
-60 kg: Dilshodbek Baratov - Muhammad Akkash (IJF Refugee team)
-48 kg: Xalima Qurbonova - Merve Azak (Turkiya)
Bellashuvlar soat 10:30 da "Humo Arena"da boshlanadi.
Fikrlar