06 окт 17:47
Янгиликлар
ЖЧ-2022. Дзюдочимиз 5-ўрин билан кифояланди
Бугун кун давомида эркаклар ўртасида -60 кг, аёллар ўртасида эса -48 кг вазн тоифасида баҳслар ўтказилди. Унда икки нафар ўзбек дзюдочиси ҳам курашди. Эркаклар ўртасида -60 кг вазнда Дилшод Баратов, аёлларда эса -48 кг вазнли Ҳалимажон Қурбонова медаллар учун курашди.
Бир неча рақибларини мағлубиятга учратиб, ярим финалгача етиб келган Дилшодбек Баратов бронза учун баҳсда қозоғистонлик Елдос Сметовга қарши баҳс олиб борди ва афсуски имкониятни бой берди.
Ҳалимажон Қурбонова эса иккинчи босқичда италиялик рақибасига ютқазиб қўйди.
Ҳамюртларимизнинг қайд этаётган натижалари билан ушбу саҳифада танишиб боришингиз мумкин бўлди.
Афсуски Дилшодбек Баратов Golden Score'да Елдос Сметовга ютқазиб қўйди. Спортчимиз 5-ўрин билан кифояланди.
Кечки дастур жанглари бошланди. Ҳозирча аёллар ўртасида -48 кг вазн тоифасида медаллар учун баҳслар ўтказилмоқда. Бироздан сўнг Дилшодбек Баратов қозоғистонлик Елдос Сметовга қарши татамига чиқади.
Энди Баратов соат 17:00дан сўнг бошланадиган финал блокда бронза медали учун баҳс олиб боради. Унга қозоғистонлик Елдос Сметов рақиблик қилади. Ҳамюртимиз иштирокидаги баҳс тахминан 17:15 дан кейин бошланади.
Дилшодбек Баратов ярим финалда мўғулистонлик Ариунболд Енктаивага қарши баҳс олиб борди ва Golden Score'да имкониятни бой бериб қўйди.
Энди Баратов ярим финалда мўғулистонлик Ариунболд Енктаиван билан беллашади.
-60 кг вазнли Дилшодбек Баратов исроиллик Ям Вольцзакка қарши баҳс олиб борди ва вазари баҳоси эвазига ғалаба қозониб, ярим финалга чиқди!
Бироздан сўнг Дилшодбек Баратов чорак финалда Исроил вакили Ям Вольцзакка қарши татамига чиқади.
-48 кг вазнда Ҳалимажон Қурбонова италиялик Ассунта Скуттога қарши баҳс олиб борди ва афсуски иппон эвазига ютқазиб қўйди.
-60 кг вазнда Дилшодбек Баратовнинг кореялик Ли Ҳаримга қарши жанг қилди ва учта шидо баҳоси эвазига ғалаба қозонди.
-48 кг вазнли Ҳалимажон Қурбонова илк босқичда туркиялик Мерве Азакка қарши баҳс олиб борди ва Golden Score'да учинчи шидо эвазига ғалаба қозонди.
-60 кг вазнли Дилшодбек Баратов иккинчи босқичда украиналик Артём Лесюкка қарши татамига чиқиб, иппон эвазига ғалаба қозонди.
Дилшодбек иккинчи даврада украиналик Артём Лесюкка қарши баҳс олиб борадиган бўлди.
-60 кг вазнли Дилшодбек Баратов илк босқичда Муҳаммад Акашга қарши курашди ва ғалаба қозонди. Рақиб учта шидо эвазига мағлуб этилди.
Спортчиларимиз мусобақани қуйидаги рақибларга қарши бошлашади:
-60 кг: Дилшодбек Баратов - Муҳаммад Аккаш (IJF Refugee team)
-48 кг: Халима Қурбонова - Мерве Азак (Туркия)
Беллашувлар соат 10:30 да "Ҳумо Арена"да бошланади.
Фикрлар