JCH, 5-kun. Omonjon Otajonov ilk jahon chempionatida bronza medalini qo'lga kiritdi!

Kun davomida erkaklar -54, ayollar esa -46 kg vazn toifalarida medallar uchun kurash olib bordi. Bugungi kun doirasida ikki nafar hamyurtimiz medallar uchun dayanga chiqdi. -46 kg vazn toifasidagi Zuhraxon Tojimatova uchinchi bosqichgacha etib borgan bo'lsa, erkaklar o'rtasida -54 kg vaznda o'zbekistonlik Omonjon Otajonov yarim finalga qadar mag'lubiyatsiz odimladi. Final yo'lida dayanga chiqqan hamyurtimiz janubiy koreyalik raqibiga imkoniyatni boy berdi va ilk jahon chempionatidayoq bronza medalini qo'lga kiritdi.

Yarim final:

-54 kg: Omonjon Otajonov - Tay-Jun Park (Janubiy Koreya) 1:2

CHorak final:

-54 kg: Omonjon Otajonov - Siravit Mahamad (Tailand) 2:0

Uchinchi bosqich:

-46 kg: Zuhraxon Tojimatova - Ni Kadek Xani (Indoneziya) 0:2

-54 kg: Omonjon Otajonov - Xolid Abdul Xalim (Germaniya) 2:0

Ikkinchi bosqich:

-46 kg: Zuhraxon Tojimatova - Mishele Tau (Lesoto) 2:0

-54 kg: Omonjon Otajonov - Sayyad Dadashov (Ozarbayjon) 2:0

Birinchi bosqich:

-46 kg: Zuhraxon Tojimatova - Neja Elasal (Marokash) 2:0

-54 kg: Omonjon Otajonov - Brayan Garrido (Kolumbiya) 2:1