Jeyk Pol va Jervonta Devis 2 mln dollarga garov bog'ladi

O'n raundlik ko'rgazmali jang 14 noyabr kuni AQSHning Florida shtati Mayami shahrida bo'lib o'tadi. Kuni kecha bokschilar ikkinchi qo'shma matbuot anjumanini o'tkazdilar va unda jahon chempionligi uchun to'rtta jangdan iborat anderkard shou elon qilindi. SHuningdek, Devis ko'z urishtirish paytida Polni turtib yubordi, ammo ko'plab shunga o'xshash holatlardan farqli o'laroq, his-tuyg'ular nazoratdan chiqmadi.

Garov voqeasi jurnalistlarning savollariga javob berish paytida sodir bo'ldi. Strimer Edin Ross Devis bilan bahslashib, Polning g'alabasiga pul tikkanini va Jervonta bunga javoban Rossga pulni ko'tarishni taklif qilganini aytdi.

Ross bunday puli yo'qligini aytdi va Jeyk Poldan yordam so'radi, u javob berdi va oxir-oqibat Devis va Pol qo'l siqishib, ikki million dollarlik garov o'ynashdi.

Qizig'i shundaki, keyinchalik Devis ijtimoiy tarmoqlarda Pol bu pullarni hech qachon ololmasligini malum qildi: "U hech qachon bu 2 millionni olmaydi... nima bo'lishidan qati nazar".

Jeyk Pol bungacha ham raqiblari bilan garov o'ynagan. U o'tgan yili Mayk Taysonga qarshi jangi oldidan Keti Teylor va Amanda Serrano o'rtasidagi uchinchi jang natijasi bo'yicha u bilan bir million dollarga bahslashgandi. O'shanda Pol g'alaba uchun o'zi manfaatlarini himoya qiladigan Serranoni, Tayson esa Teylorga pul tikkandi. Yakunda Teylor g'alaba qozondi, ammo Pol bu pulni Taysonga to'laganmi yoki yo'q, bunisi nomalum.

SHuningdek, Devis murabbiyi Kelvin Ford kutilmaganda matbuotda jangda qo'llanadigan qo'lqoplarning o'lchamlari (og'irligi) masalasini ko'tardi. O'tgan matbuot anjumanida bokschilar 12 unciyali qo'lqop kiyishi malum qilingandi. Engil vazn toifasidagi Devis 8 unciya, birinchi og'ir vazn toifasidagi Jeyk Pol esa 10 unciyada ishlaydi.

"To'xtang, yigitlar, o'n ikki dyuymli qo'lqopni siz xohlagan edingiz-ku, - dedi Pol. - Men emas. Men 8 unciyali, 4 unciyali, 2 unciyali bo'la olaman. Qo'limdan keladi".

Oxir-oqibat, ringda ular 10 unciyali qo'lqoplardan foydalanishga rozi bo'lishdi, ammo bu ehtimol, o'z jangining natijasiga tikilgan pullar kabi, Florida sport komissiyasi bilan kelishilishi kerak.