Jizzaxdagi VMX trassasining qurilishi ayni avjida

Xalqaro qatnovlar ochilgach, trassa qurilishida xizmat qiladigan evropalik mutaxassislar ham Jizzax shahriga etib kelishmoqda.

Bugun O'zbekiston velosiped sporti federaciyasi bosh kotibi Kozim O'rinboyxo'jaev qurilish joyiga tashrif buyurib, olib borilayotgan ishlar bilan yaqindan tanishdi. Takidlash joiz, hozirda Xalqaro velosipedchilar ittifoqi tomonidan biriktirilgan ukrainalik mutaxassis Vadim Korovickiy jarayonga bosh-qosh bo'lib turibdi.

SHu kecha kunduzda qurilishning eng murakkab qismi – trassa, tribuna va maydon atrofidagi boshqa obektlarning poydevori qurib bitkazildi. Jarayon rejaga muvofiq bosqichma bosqich olib borilmoqda.