Jokovich Parij "Masters" 1/2 finalida, u noqulay raqibini engdi

Serbiyalik tennischi chorak final bahsida ATP reytingida ettinchi pog'onadan joy olgan daniyalik Xolger Runeni uch set natijasiga ko'ra qiyinchilik bilan mag'lubiyatga uchratdi - 7/5, 6/7(3), 6/4. Novak tennischilarning o'zaro uchrashuvlaridagi hisob muvozanatini tikladi - 2:2. 

Ikki soatu 49 daqiqa davom etgan bahsda Jokovich 10, Rune esa 8 ta eys zarbasini amalga oshirdi. Qo'shxatolarga 4 ga 3, breyklar esa 3 ga 1 ko'rinishida Novak foydasiga bo'ldi. Endi u final chiptasi uchun rossiyalik Andrey Rublyovga qarshi kortga chiqadi.