26 noy 12:16
Yangiliklar
Boks/MMA
Joshua Vallinga qarshi jang nima uchun kerakligini aytdi
Superog'ir vazn toifasidagi sobiq jahon chempioni Entoni Joshua shveciyalik Otto Vallinga qarshi jang haqida gapirdi.
Britaniyalikning aytishicha, ushbu jang u uchun 2024 yilgi mavsum rejalarini tuzish uchun nuqta vazifasini bajarib beradi.
"Xaritalarda nazorat nuqtalari bor. Bu mening so'nggi manzilim emas. Bu endigina ilk bekatim holos. 23 dekabr kuni dunyoga bir xabar qoldiraman. 2024 yilning yo'lidaman, unda ko'prog'i va yaxshirog'iga erishmoqchiman. Maqsadlarimdagi yutuqlar uchun harakat qilyapman.
Yana g'alabalar qozonish, o'zimning eng yuqori darajamga qaytish haqida o'ylayapman", - dedi Joshua.
Eslatib o'tamiz, Joshua va Vallin o'rtasidagi jang 23 dekabr kuni Ar-Riyodda o'tkaziladi.
Havola :
Fikrlar