Kalinskaya Midlendda matchboldan chiqib ketdi

WTA reytingida 115-pog'onada borayotgan rossiyalik Anna Kalinskaya 1/2 finalda dunyoning 54-raketkasi, amerikalik Alisiya Parksga qarshi kortga chiqdi va irodali g'alabaga erishdi - 3/6, 7/6(3), 6/3. Rossiyalik tennis malikasi ikkinchi setda 5/6 hisobi holatidagi matchboldan chiqib ketdi. 

Anna tennischilarning o'zaro o'tkazilgan ikkinchi uchrashuvida ham zafar quchdi. Ikki soatu 5 daqiqa davom etgan bahsda Kalinskaya 1, Parks 9 ta eys zarbasini amalga oshirgan. Qo'shxatolar 1 ga 12 ko'rinishida Alisiya foydasiga bo'ldi. Bugun Kalinskaya bosh sovrin uchun xorvatiyalik Yana Fettga qarshi bahs olib boradi.