Ko'ngilli sportchilar Sardobadagi falokat oqibatlarini bartaraf etishda qatnashdi + FOTO

Sirdaryo viloyatining Sardoba tumanida yuz bergan texnogen falokat oqibatlarini bartaraf etish yo'lida harbiylarimiz va mahalliy aholi vikillaridan tashqari mamlakatimizning turli hududlaridan kelgan ko'ngillilar ham faol mehnat qilishmoqda.

Jismoniy tarbiya va sport vazirligi tashabbusi bilan zarar ko'rgan hududlarda sportchi va trenerlardan tashkil topgan “Ko'ngilli sportchilar” guruhi talofat ko'rgan aholi turar joylari, ijtimoiy soha obektlari va yo'llarni qayta tiklash bo'yicha olib borilayotgan ishlarga ko'maklashmoqda.

Bugun, 12 may kuni erta tongdan 125 nafar ko'ngilli sportchi Sardoba, Oqoltin va Mirzaobod tumanlarida tashkil etilgan hasharlarda ishtirok etishmoqda.

Mazkur jarayon Jismoniy tarbiya va sport vazirligi rahbariyati tomonidan doimiy nazoratga olingan. “Ko'ngilli sportchilar” guruhi azolari karantin qoidalariga qatiy amal qilgan holda yurtdoshlarimizning og'irini engil qilishga o'z hissalarini qo'shmoqda.