Konor Makgregor: Dastin yaxshi jang o'tkazdi, uning himoyasi ancha ishonchli edi

"Sportda doim g'alaba bilan mag'lubiyat bilan yonma-yon bo'ladi. Uning oyog'imga bergan zarbalari ancha qiyinchilikka uchratdi. Dastlab uni nokaut qilishga umid qilgandim, biroq oyog'imga kelayotgan zarbalardan so'ng ahvolim og'irlashib bordi. Men UFC'da ancha yillardan beri harakat qilmoqdaman. O'n birinchi marta asosiy kardda ishtirok etdim. Hozircha kelajagim borasida aniq gapira olmayman. Dastin yaxshi jang o'tkazdi, uning himoyasi ancha ishonchli edi. Bahona to'qimoqchi emasman, men bir yildan beri jang qilmadim. Dastin bugun kuchlilik qildi. Boshqa gap gapira olmayman. Bahsni videosini ko'rishim kerak va kerakli xulosalarni chiqaraman.

Navbatdagi janglar? Bilmayman, men yana tayyorlanishim kerak. UFC'da ko'plab kuchli jangchilar bor, ularga qarshi qiziqarli to'qnashuvlarni tashkil qilish imkonimiz bor deb o'ylayman. Dastinga qarshi uchinchi jangni tashkil qilishimiz ham mumkin. Bo'lar ish bo'ldi, endi barchasini boshqatdan boshlashimiz kerak. Dastinning loukiki zarbalaridan so'ng oyog'im sekin astalik bilan ishlashdan to'xtadi. Uni bunday zarbalar berishini bilardim, biroq unga qarshi chora topa olmadim. Jang taktikamni o'zgartiraman. 

Birinchi navbatda oyog'im bilan ishlashim kerak. Hozircha Dastin bilan hisob 1-1. Jangda malum vaqt davomida ustunlikka erishdim. Umuman olganda, g'alaba uchun barcha narsam bor edi. Natijadan hafaman, biroq bu erda jang qilganimdan doim xursandman. Hafa bo'lmasdan, olg'a intilishda davom etaman. Yana bir nechta janglarda ishtirok etaman", - dedi Makgregor.