Kumush medal yutqazdi degani emas - Bektemir Meliqo'ziev Abdumalik Xalakovni qo'llab-quvvatladi

Umidli bokschimiz final jangidan so'ng Instagram sahifasida post qoldirdi.

«Kumush medal! Albatta, jahon chempionatiga faqat oltin medal uchun kelgandim. Ammo, Yaratgan peshonaga nima yozgan bo'lsa, shunisi bo'ladi. Ushbu jahon chempionati men uchun katta tajriba maktabi bo'ldi. Finalda ham chiroyli g'alabam bilan yurtdoshlarimizni xursand qilmoqchi edim. Afsuski, nasib qilmagan ekan. Xudo xohlasa, endi 2023 yili Toshkentda o'tkaziladigan jahon chempionati, 2024 yilgi Parij Olimpiadasida oltin medal uchun kurashaman.

Fursatdan foydalanib, meni qo'llab-quvvatlab turgan yutdoshlarimizga, Prezidentimiz, O'zbekiston boks federaciyasi, Milliy Olimpiya qo'mitasi hamda murabbiylarimga rahmat aytaman. Barchangizdan minnatdorman!», - degan Abdumalik.

Bektemir Meliqo'ziev ushbu post tagiga izoh qoldirdi: «Kumush medal yutqazdi degani emas. Ukam, sen chempionsan! Oltin medal ham bo'ladi, Xudo xohlasa».

Biz ham Abdumalik Xalakovga chempionatdagi chiroyli g'alabalar, saltolar va ayni damda terma jamoamiz uchun muhim bo'lgan kumush medalni taqdim etgani uchun rahmat aytamiz!