Meyvezer Asakuraga qarshi ko'rgazmali jangdan qancha pul ishlab olishini aytdi

Amerikalik afsona ushbu jang uchun taxminan 20 million dollar ishlab oladi.

"Bir daqiqada bir necha million. Faqat shu jang uchun 15-20 million dollar ishlab olaman. Bu ajoyib, shunday emasmi? To'qqiz daqiqa, 20 million, yomon emas!

Ko'rgazma janglari menga ko'proq sayohat qilish imkonini beradi. Ko'plab joylarga sayohat qilganman, lekin hozir men butun dunyo bo'ylab odamlarga xursandchilik ulashyapman.

Yaponiyada haqiqiy jang o'tkaza olmadim. Lekin ularga shou o'tkazishim yoqadi. Bu ularga eski Meyvezerni ko'rish uchun kichik imkoniyat. Bu ajoyib albatta. Ko'rgazmali janglarda katta pul topaman. Lekin aytganimdek, hech qanday haqoratga toqat qila olmayman.

Agar ular biron-bir tan jarohati etkazsa, butunlay ketishimga to'g'ri keladi. O'zimni qattiq kaltaklangan yoki jazoni qabul qiladigan holatga solib qo'ymayman. Zarba bermagunimcha, namoyish etishda va zavqlanishda davom etaman", - dedi Meyvezer.

Eslatib o'tamiz, Asakura bilan jang 25 sentyabr kuni bo'lib o'tadi. Meyvezer uchun bu professional faoliyatini yakunlaganidan keyingi to'rtinchi ko'rgazmali jang hisoblanadi.