"Monako" keyingi mavsum ECHLda o'ynamaydi

"Lion" o'z maydonida "Monako"ni qabul qildi va 3:1 hisobida irodali g'alabaga erishdi. Ushbu mag'lubiyatdan so'ng "Monako"da CHempionlar ligasi yo'llanmasi uchun imkoniyat yo'qoldi. Sababi Franciyaga ECHLda 3 ta o'rin ajratilgan. "Monako" 36 ta o'yindan so'ng 65 ochko bilan 4-o'rinda bormoqda. Klub qolgan ikkita uchrashuvda maksimal ochko to'plasa ham 73 ochkoga ega "Marsel"ga eta olmaydi.

Bir necha karra Franciya chempioni bo'lgan "Lion" esa 36ta bahsdan keyin 59 ochko jamg'argan holda musobaqa jadvalining 7-pog'onasida bormoqda. Kecha "Lion" hujumchisi Aleksandr Lyakazett bu mavsumdagi gollari sonini 26taga etkazib to'purarlar poygasida Kilian Mbappega etib oldi.

Franciya chempionati. 36-tur

Lion – Monako 3:1 (1:1, 2:0)

Gollar: 0:1 – 2, penalti Ben-Yedder, 1:1 – 38 Lyakazett, 2:1 – 57 Kakre, 3:1 – 78 SHerki.
Lion – Antoni Lopesh, Kumbedi, Lukeba, Diomande, Talyafiko, Tolisso, Kakre, SHerki, Barkolya, Jeffino (Tiago Mendes, 76), Lyakazett.
Monako – Nyubel, Vanderson, Disasi, Kayo Enrike, Matsima, Yakobs, Golovin (Diatta, 71), Fofana, Matazo (Kamara, 64), Akliush (Ben-Segir, 64), Ben-Yedder (Embolo, 71).
Ogohlantirishlar: Golovin (31), Yakobs (55), Vanderson (63).