“Monstr” Inoue endi uchta vazn toifasida jahon chempioni

Oqshomning markaziy jangida yaponiyalik “Monstr” Naoya Inoue (16-0, 14 KO) 53,5 kg vaznda WBA Regular chempioni britaniyalik Jeymi Makdonnell (29-3-1, 13 KO)ga qarshi ringga ko'tarildi. 

Makdonnell uchun bu ettinchi chempionlik himoya jangi edi. Inoue esa boshqa vazn toifasi vakili sifatida ringga chiqdi. Jang birinchi raunddayoq yakuniga etdi. 

Yaponiyalik bokschining ketma-ket kuchli zarbalarini o'tkazib yuborgan Makdonnell qiyin ahvolga tushib qoldi. Ikkinchi nokdaun holatidan so'ng referi jangni to'xtatishga majbur bo'ldi. Bu bilan 25 yoshli Inoue 3ta vazn toifasida jahon chempioniga aylandi.