Nurmagomedovning murabbiyi UFC`dagi eng qiyin raqib va debyut jang uchun nomzodni aytdi

Usmanning menejeri Ali Abdel-Aziz o'z mijozi Iliya Topuriyani to'rt raund ichida to'xtatishini malum qilgan bo'lsa-da, rossiyalikning murabbiyi Xaver Mendes "El Matador"ni PFL chempioni uchun UFC`dagi eng qiyin raqib deb hisoblaydi.

"Mening nazarimda, Usman uchun eng qiyin sinov – bu Iliya Topuriya! Biz bu vazifani uddalaymiz, shunga qaramay, men aynan unga katta hurmat bilan qarayman. Xabibning yoki Usman bilan ishlaydigan boshqa murabbiylarning fikri boshqacha bo'lishi mumkin, lekin shaxsan men uchun eng qiyin vazifa – bu Iliya! Biz buni uddalaymiz, bunga ishonchim komil. Ammo, shubhasiz, aynan u bizning eng jiddiy sinovimiz bo'ladi", – dedi amerikalik mutaxassis Submission Radio’ga bergan intervyusida.

SHuningdek, AKA zali rahbari agar rossiyalik jangchiga UFC`ga o'tishi bilan divizionning kuchli beshligidan raqib berilsa, kimni debyut raqibi sifatida ko'rishi haqidagi savolga ham javob berdi.

"Agar u UFC`ga o'tsa, men uchun ikkita asosiy variant – Arman Carukyan va Iliya Topuriya bo'ladi. Bular men eng ko'p ko'rishni istaydigan janglar. "Orzu qilingan janglar" emas, shunchaki o'tkazilishini istaydigan bellashuvlar. Ammo agar biz haqiqatan ham navbatni o'tkazib yuborsak, o'ylaymanki, bizga Peddi Pimblett kabi raqib berishadi va bu ham meni qoniqtiradi. Balki Maks Xollouey. Kim biladi deysiz? Lekin bu aniq kuchli beshlikdagi jangchilardan biri bo'ladi", – deb taxmin qildi Mendes.

O'tgan dam olish kuni Usman Nurmagomedov tashkilot bilan amaldagi shartnomasi doirasidagi so'nggi jangida PFL engil vazn toifasidagi chempionlik kamarini muvaffaqiyatli himoya qildi. U bungacha mag'lubiyat nimaligini bilmagan amerikalik Archi Kolganni birinchi raunddayoq nokautga uchratdi. Barcha belgilar mag'lubiyat nimaligini bilmaydigan rossiyalik jangchi o'z faoliyatini UFC`da davom ettirishidan dalolat bermoqda.