PFL UFC bilan raqobat qila oladimi? Yoki bu shunchaki shishirilgan loyiha bo'ladimi?

Liga darhol UFC bilan teng sharoitlarda raqobatlashmoqchi ekanligini elon qildi. Dana Uayt va sayyoradagi eng yaxshi reklama vakillari bunga biroz boshqacha qaradi. Haqiqatan ham PFL ushbu niyatini amalga oshirish uchun harakat qilmoqda, biroq yanada ishlashi lozim. Aytish joizki, yaqin orada vaziyat butunlay o'zgarib ketishi mumkin. 

Albatta, akciyalar birlashganiga uzoq vaqt bo'lgani yo'q. Vaziyat hozircha silliq ko'rinmayapti. Ayniqsa, yilning asosiy turniri bo'lib o'tganini hisobga olsak, musobaqa hayajonli lahzalarni taqdim eta oldi, biroq 6 chempionlik jangidan faqatgina Magomed Magomedkerimov chempion bo'lgan bahs talabga javob bera oldi, xolos. Qolgan janglar jamoatchilik tomonidan u qadar qabul qilinmadi. 

Ijobiy jihatlar sifatida arenaning dizayni, sakkizburchakdan olingan suratlar bularning barchasi haqiqatan etiborni tortmasdan qolmaydi. Lekin Vashingtondagi arenada tribunalar gavjum emasligi ko'rinib qoldi. Ehtimol, Bellator bilan birlashish vaziyatni tubdan o'zgartirishi kerakdir. Axir birinchi jiddiy maqsadlardan biri chempionlar turnirini o'tkazish hisoblanadi. Tegishli vazn toifalaridagi kamar egalari u erda to'qnash kelishlari lozim. SHu o'rinda savol tug'ulishi tabiiy – PFL vakillari Rayan Beyder, Vadim Nemkov, Jonni Ablin va Usmon Nurmagomedovlar ularga qarshi chiqishganda, raqiblar qanchalik raqobatbardosh bo'lishi mumkin? 

Alohida nuqta Bellator chempionlarining kelajakda tashkilotda qolishi yoki qolmasligi bilan bog'liq. Bu yigitlarning deyarli har biri UFC’ga o'tishga qodir. Katta ehtimol bilan ular shuni o'z oldiga maqsad qilib qo'ygan. Kelishuv natijasida oldinadigan eng qimmatli aktivni saqlab qolish juda qiyin bo'ladi, bunga deyarli hech qanday shubha yo'q. Ko'pgina PFL vakillari o'zlarini UFC’da sinab ko'rish istagi bor ekanligini yashirib o'tirmayapti. 

Keyingi qiziqarli nuqta - pley-off tizimining mavjudligi. Bu bo'linishlarning turg'unligiga olib keladi. Turnirda faqatgina bitta bahs yuqori maqomga ega bo'ladi – final. Tasavvur qiling, musobaqaga katta garov pullari tikilmoqda, ammo chiqish atigi bitta. Oxirgi turnir aynan shunday bo'ldi. Balki, tashkilot bunday tizimdan voz kechishni o'ylab ko'rishi kerakdir. PFL UFC bilan tengma-teng kurasha olmayapti, bu bor gap. Ammo shuni ham unutmaslik darkorki, akciyalar birlashganiga uzoq bo'lgani yo'q. Aslida 2023 yil oxirigacha sodir bo'lgan barcha narsa eski tizim asosida o'takzildi. 2024 yil uchun rejalar juda katta. Hamma narsa tashkilotning o'z qo'lida, islohotlar to'g'ri amalga oshirilsa, UFC uchun munosib raqib bo'lishi mumkin.