Proxazka Teysheyraga qarshi jang taqdirini hakamlarga qoldirmoqchi emas

CHexiyalik jangchi chempion Glover Teysheyraga qarshi kechadigan jang taqdirini hakamlar hal qilishigacha olib bormasligini aytdi. 

"Glover haqiqiy jangchi, shuning uchun ham uni hurmat qilaman. O'zining 43 yoshida UFC chempioni bo'ldi. Bunday natija ko'rsatish hammaga ham emas. Yosh, kuchga to'lgan raqiblariga qarshi jang qilish haqiqiy jasorat. Ayniqsa, uning Smit va Santos ustidan qozongan g'alabalari meni hayratga soladi. Ammo, endi mening davrim keldi. Buni barchaga isbotlayman. Menga janglarni muddatidan avval yakunlash yoqadi. SHu yo'l bilan hakamlar jang taqdirini hal qilishlariga yo'l qo'ymaslik mumkin", - dedi Irji, 

Eslatib o'tamiz, Glover Teysheyra - Irji Proxazka jangi 11 iyun kuni Singapurda o'tadigan UFC 275 turnirining markaziy bahsi bo'ladi.