Qishki Osiyo o'yinlari Qozog'istonda translyaciya qilinishi aniq bo'ldi, O'zbekistondachi?

Kecha Qozog'istonning Qazsport telekanali musobaqani namoyish qilish huquqini qo'lga kiritgani haqida malum qildi.

Olamsport.com'ga malum bo'lishicha, O'zbekiston milliy teleradiokompaniyasi (MTRK) mazkur kompleks turnirdan translyaciya amalga oshirmaydi. MTRK qoshida "Futbol TV" tashkil etilganidan keyin "Sport" telekanalida boshqa sport turlariga oid musobaqalar namoyishi ko'payishi taxmin qilingandi, biroq hozircha bu amalga oshganicha yo'q.

Avvalroq aytilganidek, bu O'zbekiston uchun o'z tarixidagi eng ko'p ishtirokchi bilan qatnashiladigan qishki Osiyo o'yinlariga aylanishi ehtimoli yuqori. Ochiq malumotlarga ko'ra, mamlakat MOQ shu paytgacha o'tkazilgan o'yinlagda 11 nafardan ko'p sportchi bilan bormagan, Xarbin-2025 uchun esa 26 nafar sportchi ro'yxatdan o'tkazilgan.

Eslatib o'tamiz, so'nggi, VIII qishki Osiyo o'yinlari 2017 yilda Yaponiyaning Sapporo va Obixiro shaharlarida o'tkazilgan va unda O'zbekistondan faqatgina figurali uchuvchi Misha Ge qatnashgandi.