Qozog'iston Osiyo o'yinlariga mezbonlik qiladi!

SHartnoma 5 fevral kuni Italiyaning Milan shahrida imzolanadi, aynan shu erda Qishki Olimpiya o'yinlari start olish arafasida. 

Aslida Osiyo-2029 Qishki Osiyo o'yinlariga hozirda Saudiya Arabistonida qurilayotgan Neom shahri mezbonlik qilishi kerak edi. Bu sahro o'rtasidagi uzunligi 170 km bo'lgan megapolis 10 million kishining yashashiga mo'ljallab qurilmoqda. Megaloyiha qurilishiga 500 milliard AQSH dollaridan ortiq mablag' sarflanadi.

Neom kelajakning aqlli shahri - avtomobilsiz bo'lishi rejalashtirilgan. Futbol bo'yicha JCH-2034`gacha shaharda 46 ming kishilik stadion quriladi, u erda maydon erdan 350 metr balandlikda joylashadi. Hozircha loyiha debochasi "Neom" futbol klubi bo'lib, unda Franciya terma jamoasining sobiq hujumchisi Aleksandr Lyakazett o'ynaydi.

Neomning bir qismi 2026 yilda taqdim etilishi kerak edi, ammo qurilish ishlari rejadagisidan ortda qolmoqda. 2029 yilga kelib Neom yaqinida Osiyo o'yinlarini qabul qiladigan Troyen suniy chang'i-kurort obekti foydalanishga topshiriladi.

O'tgan hafta Saudiya Arabistoni hukumati Neomdagi Osiyo o'yinlari qurilishdagi kechikish tufayli qoldirilishini malum qilgandi. 

Malumot uchun, Olma-Ota shahri 2011 yilda ham Qishki Osiyo o'yinlariga mezbonlik qilgan, ammo o'shanda Ostona qo'shmezbon edi. SHuningdek, Yaponiya (4 marta), Xitoy (3) va Koreya Republikasi (1) Osiyo o'yinlariga mezbonlik qilgan.

Qishki Osiyo o'yinlari mezbonlari: 1986 yil — Sapporo (Yaponiya), 1990 yil — Sapporo (Yaponiya), 1996 yil — Xarbin (Xitoy), 1999 yil — Kanvondo (Koreya Respublikasi), 2003 yil — Aomori (Yaponiya), 2007 yil — CHanchun (Xitoy), 2011 yil — Astana va Olma-Ota (Qozog'iston), 2017 yil — Sapporo va Obixiro (Yaponiya), 2025 yil — Xarbin (Xitoy).

Eslatib o'tamiz, Olma-Otada Osiyo-2011 Qishki o'yinlari hamda Qishki Universiada-2017 musobaqasi uchun sport obekti bunyod etilgan. SHahar 2022 yilgi Qishki Olimpiadaga davogarlik qilgan, ammo yakunda Pekinga yutqazgan edi.