19 noy 14:51
Yangiliklar

Tennis

Rajiv va Jo qatorasiga uchinchi yil Yakuniy ATP turniri finalida o'ynaydi

Italiyaning Turin shahrida tennis bo'yicha Yakuniy ATP turniri davom etmoqda.

Musobaqaning juftliklar bahsida finalchilar aniqlandi. Amerikalik Rajiv Ram va britaniyalik Jo Selisberi juftligi 1/2 finalda meksikalik Santyago Gonsales hamda franciyalik Eduard Roje-Vasslen hamkorligini qiyinchilik bilan mag'lubiyatga uchratdi - 7/6(5), 3/6, 10:7.

Bir soatu 49 daqiqa davom etgan uchrashuvda Ram/Selisberi 4, Gonsales/Roje-Vasslen tandemi esa 5 ta eys zarbani amalga oshirgan. Ram va Selisberi qatorasiga uchinchi yil Yakuniy turnirning finaliga yo'l olishdi. Ular juftliklar musobaqasining amaldagi chempionlari hisoblanadi. Ram va Jo bosh sovrin uchun ispaniyalik Marsel Granolers hamda argentinalik Orasio Sebalos juftligiga qarshi kortga chiqadi.